Posted: 01/10/2013 07:42 PM IST

టాలీవుడ్  ప్రముఖ నిర్మాత ఇళ్లపై  ఐటి దాడులు  జరుగుతున్నాయి.  అదీ కూడా  సంక్రాంతి పండుగకు విడుదలయ్యే సినిమా నిర్మాతల ఇళ్లపై దాడులు జరగటంతో   సినీ పెద్దలు షాక్ తిన్నారు.సినీ నిర్మాత దిల్ రాజు కార్యాలయం, నివాసంపై ఆదాయపు పన్ను శాఖ అధికారులు దాడి చేశారు. సోదాలు కొనసాగుతున్నాయి. ఆయన నిర్మించిన 'సీతమ్మవాకిట్లో సిరిమల్లె చెట్టు' సినిమా రేపు విడుదలకు సిద్ధమవుతుండగా ఐటీ దాడులు జరగడం గమనార్హం. చిరంజీవి తనయుడు రామ్ చరణ్ తో 'ఎవడు' సినిమాను దిల్ రాజు నిర్మిస్తున్నారు. సినీ నిర్మాత డివివి దానయ్య కార్యాలయంలో ఆదాయపు పన్ను శాఖ అధికారులు సోదాలు చేపట్టారు. రామ్ చరణ్ హీరోగా వివి వినాయక్ దర్శకత్వంలో దానయ్య నిర్మించిన 'నాయక్' సినిమా  ప్రేక్షకుల ముందుకు వచ్చిన సంగతి తెలిసిందే. ఈ నేపథ్యంలో ఆయన కార్యాలయంలో ఐటీ తనిఖీలు ప్రాధాన్యం సంతరించుకున్నాయి.  ఈ దాడులు  ఏకాలంలో  జరగటం పై అనేక అనుమానాలు వస్తున్నాయాని  సినీ పెద్దలు అంటున్నారు.